وَحْدِي مْغْـلُوب سَايْــــر
بْلاَ دْلاَّل غَـــــادِي
طْـرِيقْ الله الْقَــــــادْر
عْلِيهَا طَالْ بْعَــــادِي
نْمْشِي وْنْجِي حَايْــــــر
بِينْ عَادِي وْبَــــادِي
هَايْـم بِينْ الْمْطَامْـــــر
مْنْ يْرْشدْنِي انَّــــادِي
بْقَلْب مْلْيَان صَابْــــــر
نْسَــــالْ عْلَى زَادِي
مْكْسُـورْ الْقَلْـبْ نْجَــارِي
وْالــرُّوحْ تْتْـأَلّْـــم
كَـــاتْم كُــلّْ اسْـرَارِي
مَـا نْشْـكِي وْنْتكلّْـــم
نْحْلْـم وْنفُــكّْ اشْعَــارِي
لْلمُكْتَــاب مْسْلَّــــم
مَــا منْ يْطْفِي نَـــارِي
بالصُّحْبــة نَتْنَعّْــــم
الله يْرْحَـــــم اوْزَارِي
ايْجُـــود ويتْكَـّْــرم
وَأنَـا سَايْـــر مْغَــرّْب
فْالطّْــرِيق فْـــرَّادِي
بَــانْ لِـي نُـورْ مْسيّْـب
مْضَـوِّي عَلَى الــواَدِي
خَيْمَــة بْلُــونْ مْذَهّْــب
الله آش هَــــــادِي
قْصـدْت الـنُّـور طَــالْب
يْخَلّْـص كُلّْ عْنَـــادِي
فْظـلّْ الخْيَمَـة رَاغْـــبْ
بْـسْرُّو يُوفِي مُــرَادِي
يَا اهْــلْ الخْيَمْـَة الخْيْـَارْ
طَالْـبْ ضِيفْ الجْلْيِــل
لْوْصَـالْـكُم الْقَلْـب اخْتَـار
رَاه بْـلاَ بِيكُـم عْلِيــل
يَا سِيدي يَا سْـرّْ الاسْـرَارْ
فْخْلِيلو مَا يفَرّْط الخْلِيــل
لطْرِيقْـك سَاقْـت الاقْـدَار
جُود عْلَى زَادِي الْقلِيــل
قَـال هَاك كْلاَمِي لاَ تْحْتَـار
الْمنهَاجْ على نُورُو لاَ تمِيل
* من ديوان: القَصْد الصَّادق