تْحَــاكم مْعَــايَـا وقَـف قـبَــالِـي

حَــاوَرْني نْحَــاوْرك وسمع قـوالـي

لا تشـبـت بـريك أو تـكـره مثـالـي

نْـصَفْنِـي نْـصَفك أو شوف من حَالـي

لَهَّـاك لْهْـوَى عْلِيَـا وحكـرت عمالـي

أو تسـلقــت جبــال غيـر جبـالـي

رمـاني شـرارك أو حـقـدك البـالـي

أو سَـاوِتِ الشــر بجـليـل أفعـالـي

تعمـَدت الجـهـل أو كسـفت هـلالـي

ورضـيتـي بغـيري يَسُـوك جـمالـي

إيـديك فـي إيـديا نتـوسـلو للعـالـي

شـحـال من ناس مْجْلِيَ تايهة بلا والـي

في جنانات غير جنانتها أو حسبتها معالـي

دْمَيَاتِـي تسفكت وانت دمك عندي غالـي

والعز فييـا والهنـا لا تسكـمو رجـالـي

دْيَـاب تعـوي متشـاءمة رافضة بحـالي

ما تطلعت على سري ما تحملت حمـالـي

يكفي ما جـابيـه نبـينـا محمد الغـالـي

دين سـوبين الغربي إفريقـي إثيوبي مالي

في ربــوع الدنيــا دقـت طبــالـي

دُوات صـواتها في كـل قلـب خـالـي

أو بْـدا عْـدُويَا اطــارد في غْـزَالـي

وسْرّْبْ لمــتيـن المـفـتول من حبالـي

أو سـدد ضـربـة جــديـدة تـوالـي

بـاغي يفــكك بهــا عشيرتي وعيالـي

وينسـي هجـومـوا وعدوانـو الحـالـي

على خيـاتنا في الدين كبل ما يفيقو جهالي

لســان العــدل نطــق بحـالـــي

خــويا انضم ليـيـا أو قــرب توالـي

نـزرعـوا أرضنـا بالسـلـم دوالــي

نعيشو في الهنـا أو الثقة لغني مع لبوهالي

من ديوان: في ميزان بلا عبار